KHOLETŠHE YA TOKA
DIKGOPOLOTHEO TŠA MOLAO WA BOHLATSE
NO. 50A
KGATIŠO : 2004
Ga go karolo le e tee ya sengwalwa sekhwi ye e swanetšego go tšweletšwa lefsa goba go phatlalatšwa ka sebopego sefe le sefe goba ka tsela ye nngwe ka ntle le tumelelo ye e ngwadilwego.
DIKAGARE LETLAKALA
MATSENO
Bohlatse
Dibontšhwa tša bohlatse
Lebaka
Dintlha tše di amegago
Dintlha tše di lebanego le dintlha tše di amegago
Tiišetšo ya Bohlatse bjo Lekanego
Tiišetšo ye e phethagetšego
Bohlatse bja kgakala
Tirišego
Tokelo
Tumelo ka molao le ka setlwaedi
Tsebo ya Toka
Dikgopolelo
Boikarabelo bja tiišetšo le Boikarabelo bja bohlatse
DIKGOPOLOTHEO KA GO MOLAO WA BOHLATSE
MATSENO
Molao wa Bohlatse ke setlabelo se bohlokwa go motho mang le mang yo a ka ratago go diriša molao wokhwi. Gore o tle o kgone go diriša setlabelo sekhwi ka bokgoni le kgontšho go a gapeletšega gore motho a be le kwešišo ya dikgopolotheo tše itšego tšeo di felago di ukangwa ka mehla ke bangwadi ka go dikgatišo tša go fapana ka ga Molao wa Bohlatse.
Nepo ya sengwalwa sekhwi ke go lokišetša le go tlamela batho gore ba kgone go hlaola le gore ba be le tsebo ya dikgopolotheo ka go Molao wa Bohlatse le go ba fa motheo woo o tlogo ba kgontšha go itswalanya le Molao wa Bohlatse ka botlotla.
Bohlatse
Bohlatse bo bopilwe ka tshedimošo yeo e beilwego pele ga kgorotsheko go kgontšha kgorotsheko go tšea sephetho mabapapi le ditaba tšeo di amegago.
Dibontšhwa tša bohlatse
Dibontšhwa tša bohlatse di ama dibontšhwa ka moka tšeo di kago dirišwa bjalo ka tiišetšo ka kgorong ya tsheko.
Molao wa Bohlatse o ka ga go tiišetša dintlha le go laola tsela yeo dintlha di kago tiišetšwa. Dintlha di ka tiišetšwa ka go diriša dibopego tše di fapanego tša dibontšhwa tša bohlatse.
Bohlatse bja molomo, tokumente goba Bohlatse bja mmakgonthe
Ditumelo go ya ka molao goba setlwaedi le boipobolo
Tsebo ya toka
Dikgopolelo
Sethalwa sekhwi se laetša gabotse pontšho ya makala a go fapana a molao, gomnme se laetša gore lekala lefe la Molao wa Bohlatse le wela kae, tlhalošišo ya molao wa Bohlatse gomme se laetša gore e bopilwe ka Dibontšhwa dife tša bohlatse:
MOLAO
Molao wa Ditheohlokwa le ditokelo Molao wa Tshepedišo
Molao wa Bosenyi) (Tshepedišo ya Bosenyi
Molao wa Bohlatse
MOLAO WA BOHLATSE
TIIŠETŠO YA BOHLATSE KA TIRIŠO YA
DIBONTŠHWA TŠA BOHLATSE
Bohlatse Ditumelo ka Molao Tsebo ya Toka Dikgopolelo
Ditumelelo tša Setlwaedi
Lebaka
Phahlelo/lebaka ka lehlakoreng la mmušo le la tšhireletšo ga e bope bohlatse eupša se e nago le sona ke go kgodiša fela. E bopilwe ka dikgopolo goba ditšhišinyo tšeo di nepišitšwego go gatelela maemo a semolao goba maemo a dintlha gomme e dirišetšwa go kgodiša kgorotsheko go fihlelela khwetšo ye itšego.
Pele ga ge kahlolo e fiwa mahlakore a na le sebaka sa go tšweletša phahlelo ya go ruma yeo e lebantšhwago le bohlatse bjoo bo hlagišitšwego nakong ya tsheko.
Dintlha tše di amegago
Ditaba tše di amegago ke dintlha tšeo lehlakore le swanetšego go di tiisetsa gore le tle le atlege.
Dintlha tše di lebanego le dintlha tše di amegago
Dintlha tšeo di felago di nyako tiišetša goba go ganana le dintlha tše di amegago.
Mohlala: Mo molaong woo borra e lego sebakwa, boitsebišo bja tate e tla ba yona tabakgolo, gomme go robala le tate e tlo ba taba yeo e lebanego le ntlha ye e amegago.
Bohlatsebogolo goba bohlatse bja praemari bo ukama gore ke bohlatse bjo bokaonekaone goba gore ga go bohlatse bjo bokaone goba bjoo (tiilego) bjo bo lego gona.
Bohlatsenyane goba bohlatse bja sekontari bo ukama gore go sa na le bohlatse bjo bokaone goba bo kile bja ba gona.
Mohlala: Tokumente ya mathomong e tšewa bjalo ka bohlatse bja praemari mola dikhopi tšona go tšewa gore ke bohlatse bja sekontari
Tiišetšo ya Bohlatse bjo Lekanego
Lentšu lekhwi "prima face" ke lentšu la Selatini le le rago gore " ponagalong ya mathomo". Lentšu lekhwi prima face mo molaong le fo ra gore bohlatse bjo lego pele ga kgoro bo lekane go ka hlama ntlha goba molato ge e se ge bo gannwe.
Ge go se na le tiišetšo ya kganano, gona prima face e tlo ba bohlatse bjo phethagetšego.
Tiišetšo ye e phethagetšego
Tiišetšo ye e phethagetšego e ra gore tiišetšo yeo e lego ya makgaolane gomme e ka se kego ya ganetšwa ke tiišetšo ye e fapanago nayo.
Mohlala: Mo tshekong ya molato wa polao, go ka fiwa bohlatse bja gore, A o be a na le maikemišetšo a go bolaya B gomme o bonwe a kitima go tšwa legaeng la B a swere thipa ye e thankgetšego ka madi.
X yena o hlatsela gore o kwele digalase di pšhatlega, a sokologa gomme a bona Y a eme ka pele ga lefastere le le pšhatlegilego la Z a swere leswika ka seatleng.
Bohlatse bja kgakala
Bohlatse bja kgakala ke bohlatse bja tlhokomedišišo bja mmoni.
Mohlala: Mo tshekong ya molato wa polao, C o fa bohlatse bja gore o be a eme ka ntle ga lefastere la legae la B gomme a bona A ge a hlaba B.
Kamogelego e fo ra gore kamogelo ya bohlatse, ga go na le kelo ya kamogelelgo. Bohlatse bo a amogelega goba ga bo amogelege. Ge e ka ba bohlatse bo a amogelega goba aowa go laolwa ke gore a na bo na le maswanedi le gore a na go amogelwa ga bjona go ka hlola tshekamelo go molatofatšwa.
Kamogelo ya bohlatse ka taolo ya lebaka le swanetšego go kgotsofatšwa mafelelong a molato. Ge lebaka lekhwi le se la kgotsofatšwa, gona bohlatse bjoo bo gafelwa ka thoko.
Kgorotsheko e bile le kgopolo ya gore tokumente e ka dirišwa mo go potšišišo le ge bonnete bja yona bo gannwe ke lehlakore la kganetšo. Ke fela ka moraro ga ge mmušo o rumile molato wa wona, moo tšhireletšo e nago le sebaka sa go hlagiša bohlatse ka ga bonnete. Ge bommakgonthe bja yona bo se bja tiišetšwa, bohlatse bofe le bofe bjo bo tšwago go potšišišo bo swanetše go gafelwa ka thoko ke kgorotsheko.
Tirišego
Gore go tle go kgonwe go tšewa sephetho ka ga tirišego, kgorotsheko e swanetše go lebelediša ge e le gore bohlatse bjoo bo fiwago bo amana le dintlha tše di amegago.
Tshwanelo
Tshwanelo ke tokelo goba modiro wo o pakwago ke hlatse goba lehlakore go itshwarela bohlatse ka kgorong ya tsheko.Go na le mehuta ye mebedi ya Ditshwanelo. Tshwanelo ya praebete le Tshwanelo ya Mmušo.
Ditumelelo ka Molao le ka Setlwaedi
Ditumelo ka molao ke ditumelelo tše di dirilwego ka kgorong ya tsheko gomme di bopago tiišetšo ye e phethagetšego gomme di ka se kego tša ganetšwa goba tša gogelwa morago ka ntle ga ge dinyakwa tše itšego tša molao di kgotsofaditšwe.
Ditumelo tša Setlwaedi
Ditumelo tša setlwaedi ke ditumelo tšeo di dirilwego ka ntle ga kgorotsheko tšeo di ka hlalošwago goba tša ganetšwa.
Boipobolo ke tumelo ya phatlalatša ya go ipona molato ga molatofatšwa, bjoo ge bo dirilwe ka go kgorotsheko, bo tlogo amogelwa bjalo ka Boiponomolato.
Tsebo ya Toka
Tsebo ya toka e šupa kamogelo ya kgorotsheko ya dintlha tša tsebokakaretšo le tsebotikologo bjalo ka ge di laeditšwe tšeo di sego tša tiišetšwa ka go tšweletša bohlatse.
Dikgopolelo
Boikgopolelo bja taba
Boikgopolelo bja Molao
Dikgopolelo tše sa ganetšegego tša molao
Boikarabelo bja Tiišetšo le Boikarabelo bja Bohlatse
Boikarabelo bja Tiišetšo
Boikarabelo bja tiišetšo bo šupa boikarabelo goba tlamego ya lehakore/phathi go tiišetša molato wa yona mo go se nago pelaelo. Ka go molao wa rena wa bosenyi boikarabelo bja go tiišetša bo magetleng a botšhotšhisi.
Boikarabelo bja Bohlatse
Boikarabelo bja bohlatse bo šupa boikarabelo bja lehlakore le tee go tšweletša bohlatse bjo bo lekanego go kgontšha kgorotsheko go bitša lehlakore le lengwe go fetola le go tšweletša bohlatse bjo bo lekanego go phegiša molato wa prima face bjo bo dirilwego ke lehlakore la kganetšo.
